من شه پیر ننای دور بگردم

اشون باختبیما من بدیمه خو، لفور صحرای دور

امه دشت و لته روخنه او، لفور صحرای دور

ویشار بیمه بدیمه هسه درو،لفور صحرای دور

امه لت و لتکا بیه زیر او،لفور صحرای دور

لفور صحرای دور، ممرض و توسکای دور

کوکی چه چه زنه افرای بالا،گنه چتی بیه محله صفا

من شه پیر ننای دور بگردم...

من شه پیر ننای دور بگردم، مه دل چه بی قراره

کمر بیه دلای دور بگردم، مه دل چه بی قراره

شه اون صبح روجای دور بگردم، مه دل چه بی قراره

ونه سرخ عصای دور بگردم، مه دل چه بی قراره

 

مه دل چه بی قراره، به عشق جان ماره

ونه چشم انتظاره

 

من شه پیر ننای دور بگردم...